香港新浪網 MySinaBlog
« 上一篇 | 下一篇 »
奇證 | 28th Jul 2010 | 一般, 金融理財 | (124 Reads)
經女伴提起,她說奇證的工作可能是世上最悶的工作之一....

奇證上班時,有時接客人的電話,有不少客人可能係性情中人,成日要我急急腳幫佢地解決問題。有一次,有客人 (女士)更駡我唔夠積極,因為我好Layback gum 問佢問題,唔係解決問題,笑死奇證。

你想奇證「肉緊」,「得」! 奇證可以做場「戲」交貨,因為我都係一日上班9小時而已。你想我驚青青,ok! 不過,我覺得你要想清楚,若果你要找人「救你」,但「救你」的人表現好驚慌,佢給予你一個方案,你覺得你可以信呢個人幾多成呢?

 

性情中人中,另外一種就係「投訴專員」,總係覺得甚麼也是「老馮」的,香港人特別多呢種病,可能香港人實在太幸福了,加上生活圈子狹窄,令此現象更加明顯。若果你唔喜歡,你隨時可以「退出」,自由社會AR。

 

最後一種係輸打贏要,呢一種係最可惡的人,賭仔性格。同事講過,就係因為有呢種人,我地呢一群人才可以賺大錢,搾取他們。初初我對此話不以為言,但慢慢我感到他說得對。

 

呢幾種人都係呢一個投資場上的輸家,大部分的投資者太過著重情感,不可以客觀理性做出決定,所以輸是理所當然的事。真正的專業投資者 (贏家) 都係理性之人,作業機械化,所以一個投資者的工作是一個好悶的工作。

 

大家點看?


[1]

睇下你做乜行业囖。你个行业我觉得要专业D,镇定D,俾人稳重0既感觉,甘先俾到信心D客嘛。。。


[引用] | 作者 Feeling | 29th Jul 2010 | [舉報垃圾留言]


對呀。如果自己都驚,那裡有公信力。

[引用版主回覆] | 作者 奇證 | 4th Aug 2010

[2]

我想,投資與情感,或是理性與感性,都不是零和遊戲。

當然,一些學說或理論(例如經濟學),其成立條件,或其假設,就是人人都是「絕對理性」的動物,可是現實卻不然,人都是有情感的,可是,這些理論到今天仍有它的價值。

在工作中,當然可以做一個理性動物,也可以交足戲,扮肉緊。可是,人與人之間的關係很微妙,多多少少會加入一些情感的元素,或是真心,或是假意,都顯示人始終不能獨立於理性,兩者可以並存。或者,蒙民的的處世態度可作參考。

理性與感性並存與平衡,這真是一門藝術。

深靈
[引用] | 作者 深靈 | 30th Jul 2010 | [舉報垃圾留言]


深靈兄,經濟理論或財務理論都假設人是理性的,目的是方便發明者創造不同的理論。但人是有情感的動物,我們都會受希望、恐懼、貪婪等情感所左右,即使使用電腦計算某證券價格是多少,但準確度並非百分百準確,需要加入某些「非理性因素」才可令準確大幅提升。

一個人如果沒有情感如同機械,但過於感性亦是不行,過於感性可能會留於激情,容易令自己做出一些後悔莫及的事,所以我讚同你「如何平衡這兩方是一門藝術」,如果講係藝術,我不如可以講係人生中其中一門「功課」罷了。 :)

[引用版主回覆] | 作者 奇證 | 4th Aug 2010

[3]

所以孫子兵法講攻心為上。

方圓
[引用] | 作者 方圓 | 1st Aug 2010 | [舉報垃圾留言]


對呀,方圓兄講的全中,投資亦是一樣,就像帶兵打仗一樣。

[引用版主回覆] | 作者 奇證 | 4th Aug 2010

[4]

哈..哈.....都係個句, 不要同股票談戀愛....EARN 完錢就要走人...不要同它有感情.....

SHinG
[引用] | 作者 SHinG | 3rd Aug 2010 | [舉報垃圾留言]


Shing 兄,一啲啲人啦,要看唔同人的個性而定,有啲鍾意放長線,釣大魚,有啲鍾意做廚師炒餸。人人不同。

[引用版主回覆] | 作者 奇證 | 4th Aug 2010

[5]

啊...原來太過著重情感的投資者往往會輸, 怪不得我從沒斬獲呢!

唔 ... 我現在明白了! 謝謝提點 :)

Hayley
[引用] | 作者 Hayley | 4th Aug 2010 | [舉報垃圾留言]


投資者最常遇到的三個敵人就係: 1)希望、2)貪婪及3)恐懼,如何克服這幾個敵人係投資者日常要思考的題目。

可以參考Jesse Livermore 及 W.D. Gann 的書。

[引用版主回覆] | 作者 奇證 | 5th Aug 2010